Xuntamos nesta nova varios enlaces a artigos referentes a Francisco Carballo, finado en Salamanca o 29 de novembro de 2014. Como di o cadriño de Xosé Lois, o home que puido ser bispo e preferíu ser patriota galego.

• Francisco Carballo na Galipedia.

• Autobiografía na Biblioteca Virtual Galega.

• Video elaborado por Xan Carballa, proxectado en Maceda, durante a Homenaxe celebrada o 27 de decembro de 2014:
  

• Entrevista publicada en Marzo do 2012 pola Asociación de Escritoras e Escritores en Lingua Galega.
  

• Entrevista do programa Caleidoscopio, en Setembro de 2013.
  

• Francisco Carballo, vello sabio que non envelleceu, artigo de Felipe Senén en Terra e Tempo.
  

• Entrevista a Xan Carballa, coautor do libro Conversas con Francisco Carballo, en Sermos Galiza.
  

• Morre Francisco Carballo, unha figura central na cultura galega (Sermos Galiza).
  

Prezadas asociadas e asociados:

Pola presente, e seguindo o art. 18 dos nosos estatutos, convócase asemblea xeral ordinaria para o día 15 de decembro, luns, ás 19,30 h. en primeira convocatoria, e ás 20 h. en segunda, na galería Sargadelos de Lugo, e para  analizar a seguinte orde do día:

1. Lectura da acta da sesión anterior.
2. Informe do presidente.
3. Informe do tesoureiro.
4. Proxecto de actividades para o 2015.
5. Colaboración na nosa páxina Web
6. Rogos e preguntas.
a) Comunicacións cos asociados-as.

É de interese colectivo a participación máis ampla posíbel para falar dos temas que consideredes en función da orde do día, pois así se vai perfeccionando a actividade e participación de todas e de todos.

Lugo, a 1 de decembro do 2014

A secretaria                     Vo Bo O Presidente

Organizamos o Entroido 2015 á zona de Bragança (Portugal), pois é a parte sur do Bolo e Viana e ten unhas características purísimas, con colorido, comunicación e tradición. Son, sobre todo, os entroidos que se organizan popularmente en Podence e Santulhao, moi singulares e atractivos.

Días 15, 16 e 17 de febreiro.

O día 15 (domingo de Entroido) dedicado a Podence (Os caretos de Podence), con xantar na mesma aldea nunha carpa, a base de produtos mirandeses.

O día 16, dedicado a visitar Bragança, co castelo medieval e murallas, a Domus Municipalis, curioso edificio civil tardorrománico, e museo do Entroido e outros.

O día 17 (Martes de Entroido) dedicado ao entroido de Santulho, no que o divertimento e xulgamento a unha familia de compadres e comadres que son queimados despois, resulta algo único. Despois deste, regresaremos a Lugo ou, en función do interese que teñades, tamén o podemos facer ao día seguinte.

Como o problema é de hoteis, pois cóbrense totalmente durante eses días, tedes que anotarvos en Sargadelos, de 19 a 20 h. o día 17 de decembro, mércores. Despois de saber o número de viaxeiras e viaxeiros daremos detalles exactos do que faremos, hotel, comidas e prezo. Calculo que non subirá dos 300 euros, pero é unha idea inicial. As persoas que se anoten terán que deixar unha entrada de 30 euros.

Esta visita ben paga a pena, desde logo, en plan informal, tanto para ver e mirar como para participar nos propios actos.

Lugo, 15 decembro 2015
A Xunta Directiva

Victoria Jato comparte con nós estes fermosos videos da viaxe a Grecia:

Marisol Mendive Zabaldica

Licenciada en Ciencias da Educación pola Universidade de Barcelona, realiza estudos de órgano cos profesores J. L. González Uriol (Zaragoza) e M. Torrent (Grado Superior, Barcelona). Participa en numerosos cursos de perfeccionamento dirixidos polos profesores Daniel Roth, Andreas Arand, Michael Radulescu, etcétera. Traballou durante varios anos como Organista e directora do Departamento de Música do Santuario de Torreciudad (Huesca).

A súa actividade como concertista desenvolveuse en numerosas capitais españolas e diversas cidades de Italia (Roma, Aosta) Bruxelas (Bruxas); Suiza (Lausanne, Neuchatel), Croacia (Humag), Noruega (Oslo), Portugal (Lisboa, Porto, Coimbra), Alemaña (Colonia, Münster, Berlín, Würzburg, Hildesheim, Ratingen, Dornum) México (Saltillo) Madeira (Ponta do sol) .

Na actualidade participa xunto a outros profesionais no equipo interdisciplinar que está realizando a Catalogación completa dos órganos de Galicia; proxecto financiado pola Conselleria de Cultura da Xunta de Galicia.

Desde o ano 2004 é Profesora de Órgano do Conservatorio Profesional de Música de Ourense e Directora Artística do Ciclo de Órgano de Xunqueira de Ambía (Ourense).

Recentemente impartiu cursos de música antiga española en Porto (Portugal) e Lausanne ( Suiza).

Preside a Asociación de Amigos do Órgano "Un rato non tubo", de recente creación. Esta Asociación nace co propósito de converterse nun elemento dinamizador para a sensibilización da cidadanía en valores como a conservación, o coñecemento e a protección e restauración/rehabilitación do patrimonio organístico de Ourense e de Galicia.

PROGRAMA

J.S. Bach (1685-1750)

Tres corais do  "orgelbüchlein" do tempo de Nadal.

Nun komm, der Heiden Heiland BWV 599( Ven agora Salvador dos homes)

Herr Christ, der ein'ge Gottesshon BWV 601(Señor Xesucristo, Fillo único de Deus)

Gelobet seist du, Jesu Christ BWV 604 ( Sexa loado Xesucristo)

Toccata e Fuga en re menor BWV 565

Prezadas asociadas e asociados: O próximo 13 de decembro, sábado, faremos a nosa Festa anual, "Música e contos arredor da lareira" nunha casa de turismo rural na que pasaremos o día con variadas actuacións que se darán a coñecer no seu momento e sempre a activa e divertida participación dos distintos asociados e asociadas. Para asistir a esta celebración na que tamén se fará o recoñecementos a compañeiros e compañeiras nosas polo seu traballo, é necesario anotarse xa.

Podedes, pois, anotarvos, o próximo día 12 de novembro, de 19 a 20 h. na Galería Sargadelos de Lugo.

Pedímosvos tamén que comuniquedes os datos da anotación aos asociados e asociadas que non dispoñen de correo electrónico.

Animádevos a participar neste actos pois servirán, a parte de para pasar un día de nadal animado, a axuda para a comunicación que queremos se estreite sempre entre todos e todas na nosa asociación.

Unha aperta.

Lois Diéguez

Natural do município de Negreira, realiza os seus estudos de música em Roma, onde reside onze
anos. Primeiro no Istituto Pontificio di Música Sacra (Canto Gregoriano, Direção coral e Órgão),
logo no Conservatório Superior de Sta. Cecilia, onde se diploma em Composição com o Mtro.
Armando Renzi. Ali assiste também às aulas de direção de orquestra dos maestros Franco Ferrara e
Massimo Pradella.
Em Galiza realiza um intenso labor pedagógico como professor nos Conservatórios de Santiago e
no Superior de Vigo, no que ensinou harmonia, composição e orquestração.
Como compositor é autor de numerosas obras, sendo de destacar as estreias do oratório
“Chananaea” en 1988 em Roma no primeiro Encontro Internacional de Música Relixiosa
Contemporânea; no ano 2006 em Corunha e Santiago de Compostela do “Divertimento (ma non troppo)”
obra encargo da “Real Filharmonía de Galicia” com motivo do seu décimo aniversario, e da sua
obra mais ambiciosa “Festa na lembrança”. Esta obra foi estreada pela “Sinfónica de Galicia” em
abril de 2008 com enorme sucesso do público. Também foi estreada em Portugal em 2011. A
“Orquestra Sinfónica de Galicia encarregou-lhe também a orquestração de três canções de Andrés
Gaos, que foram estreadas em dezembro de 2008.
Fundou a “Xoven Orquestra de Galicia” e com ela realizou numerosos concertos e estreias de obras
de compositores galegos e de outros. Dedicou especial atenção à recuperação do património musical
histórico da Galiza, dando a conhecer em concertos, publicando e gravando numerosas obras de
compositores antigos e também recentes, como Gaos, Juan José Castro, Montes ou de Maestros das
Catedrais, como Melchor López, etc. Este interesse pela recuperação da nossa música reflecte-se
especialmente na publicação de numerosas obras dos nossos compositores.
Nos seus concertos no estrangeiro também puxo especial empenho em dar a conhecer os nossos
compositores.
Em 1996 foi convidado a Porto Alegre (Brasil) para pôr em marcha a “Orquestra Jovem Sesi-
Fundarte”, que dirigiu na sua primeira temporada de vida.
______________________